Türkiyənin Antalya şəhərində 35 gündür itkin düşən və axtarışda olan motosiklet kuryeri Ali Dikenin dostu Zeynel Boyacı tərəfindən öldürülərək basdırıldığı məlum olub.

Referans.az oxu24.com-a istinadən xəbər verir ki, Boyacının göstərdiyi yerdə edilən axtarış zamanı Dikenin cansız cəsədi tapılıb.

Axtarış proqramına qatılanlar arasında olan restoran işçisi Zeynel Boyacı Dikeni öldürdüyünü etiraf edib.

Ali Dikeni ağır söydüyü üçün öldürdüyünü deyən Boyacı nəzarətə götürülüb.

 Boyacı, Dikenin harada basdırıldığını polisə göstərib.

'Obert' adlı meyit axtarış itinin də iştirak etdiyi axtarış zamanı Kundu rayonu Sahil küçəsindəki boş ərazidə bir qazma maşını ilə müəyyən edilən ərazi qazılıb.

Bir müddət sonra Ali Dikenin cansız cəsədi tapılıb. Dikenin meyiti tapıldığı yerdən çıxarılaraq yarılma üçün morqa aparılıb.